Gluggasmiðjan

Sumargleði í Gluggasmiðjunni

Birkir — Wed, 18 Apr 2012 08:14:24 +0000

Í dag, síðasta vetrardag, verður haldin sumargleði í Gluggasmiðjunni. Við bjóðum okkar helstu viðskiptamönnum og velunnurum til koma og fagna með okkur frá kl. 16:00 til 19:00 að Viðarhöfða 3, 110 Reykjavík. Tilefnið er í fyrsta lagi að fagna komu sumarsins, en sá tími er að jafnaði annasamur í verksmiðjunni. Einnig fögnum við í Gluggasmiðjunni að endurbótum á skrifstofu okkar að Viðarhöfða 3 er formlega lokið og höfum við nú bætt við okkur glæsilegum sýningasal þar sem viðskiptavinum okkar gefst færi á að sjá flestar af okkar framleiðsluvörum. Einnig höldum við upp á að ný heimasíða Gluggasmiðjunnar (www.gluggasmidjan.is) sé komin í loftið. Þá stöndum við einnig á tímamótum í framleiðslunni en nú hafa allar gluggagerðir frá Gluggasmiðjunni staðist kröfur til að bera CE merkinguna.

Eins og sjá má er margt að gerast hjá okkur í Gluggasmiðjunni og þrátt fyrir að vera 65 ára á árinu hefur Gluggasmiðjan aldrei verið framsæknari.

Eldiviður frá Gluggasmiðjunni

Birkir — Tue, 27 Mar 2012 09:00:20 +0000

Gluggasmiðjan hefur hafið sölu á eldivið en með því næst enn betri nýting á hráefni sem fellur frá við gluggavinnslu í timburdeildinni. Eldiviðnum er pakkað í grisjupoka og fæst hann hjá okkur að Viðarhöfða 3 og í Húsasmiðjunni.

Hægt er að nálgast nánari upplýsingar um eldiviðarkubbana frá Gluggasmiðjunni hér.

Breytingar á skrifstofu

Birkir — Fri, 23 Mar 2012 15:15:02 +0000

Nú standa yfir breytingar á skrifstofu Gluggasmiðjunnar. Af þeim sökum má búast við einhverjum truflunum á starfseminni. Áætlað er að breytingarnar verði að mestu yfirstaðnar um páskana. Að breytingum loknum verður tekinn í notkunn nýr og glæsilegur sýningarsalur með uppsettum sýnishornum af flestum glugga- og hurðakerfum Gluggasmiðjunnar.

Til gamans má sjá myndir af framkvæmdum hér fyrir neðan.

Umfjöllun í Fréttablaðinu

Birkir — Mon, 27 Feb 2012 09:21:01 +0000

Sérblaðið Gluggar og gler fylgir Fréttablaðinu í dag. Þar er að sjálfsögðu umfjöllun og auglýsing frá Gluggasmiðjunni. Þar kemur réttilega fram í ítarlegu viðtali við Gunnar Guðjónsson framkvæmdastjóra að Gluggasmiðjan sé á meðal elstu iðnfyrirtækja landsins og með óslitna rekstrarsögu í 65 ár. Í blaðinu er einnig fjallað um glerframleiðendur og aðra gluggaframleiðendur, bæði nýja aðila sem og fyrirtæki sem hafa verið endurreist eftir gjaldþrot undir sömu merkjum.

Viðtalið í heild má nálgast með því að smella hér. Blaðið í heild má svo aftur nálgast með því að smella hér.

Ný Heimasíða

oli — Fri, 27 Jan 2012 16:00:13 +0000

Gluggasmiðjan hefur opnað nýja heimasíðu til að þjónusta enn betur
viðskipavini sína. Hér á síðunni verður hægt að sjá allar upplýsingar um
vörur og þjónustu Gluggasmiðjunnar, þá geta hönnuðir fundið allar helstu
tækniupplýsingar og teikningar. Vefhönnun var í umsjón www.gre.is.